Meri UDAAN

Maine chalna bhi na sikha tha,

Jab mujhe diye par udne ke liye,

Kaha gaya mujhe, beta ud ke dikhao,

Ho sake to, kalabajiya kar ke dikhao,

Mai dara sehma sa, khud me sikuda sa,

Jab gira muh ke bal,

Unhe laga jaise maine kiya ho koi chal,

Bola gaya mujhe, tumhe kuch nai aata,

tumhara malik hai bus wo bhagya vidhata,

Kyu chale aate ho udne jab sikha nai kuch tumne abhi tak,

Kya socha tumne, sikh jaoge sab ek din me,

Mai soch na paya us pal, Kya galat kiya maine,

Unhone hi to bola tha, sab sikh jaunga mai ek din me.

Shyad mujh hi se hui galati, jab maine swikar kiya

Chalne se pehle maine jab udna ikrar kiya,

Agar khud ko pehchan jo leta, to shayd kuch kar pata

Dusro ki bato se pehle, jo apne mann ki sun pata

So maine hai li ek pratigya, ab jo udne jaunga

Sikhunga pehle mai chalna, aur tab kalabajiya dikhaunga.